01/02/2015 : Déanann an tAire Humphreys comhghairdeas le Jack Reynor ar a ghradam Sundance
Dé Domhnaigh, 1 Feabhra 2015—Rinne an tAire Ealaíon, Oidhreachta agus Gaeltachta, Heather Humphreys T.D., comhghairdeas ó chroí tráthnóna inniu leis an aisteoir Éireannach, Jack Reynor, as gradam speisialta an ghiúiré don aisteoireacht a bhuachan ag Féile Scannán Sundance as a pháirt i Glassland.
Agus í ag labhairt tráthnóna inniu, dúirt an tAire Humphreys:
"Is mór an éacht é seo do Jack Reynor, a bhfuil a chumas iontach aisteoireachta cruthaithe aige le blianta beaga anuas. Is mór an gradam é do Jack agus, go deimhin, do thionscal scannán na hÉireann.
"Tá iomrá Jack ag dul go mór i méid ón gcéad pháirt mhór a bhí aige in What Richard Did in 2012, agus is cinnte gur i méid a bheidh a cháil ag dul mar thoradh ar an ngradam Sundance seo.
"Is dea-scéala freisin do Glassland é an gradam seo agus é ar tí teacht amach anseo in Éirinn. Cheana féin tá léirmheasanna maithe faighte ag an scannán, atá lonnaithe i dTamhlacht, agus beidh an-spéis ag lucht féachana na hÉireann ann nuair a thaispeánfar é anseo i mí Aibreáin.
"Tabharfaidh bua Jack Reynor ag Sundance ugach mór d'aisteoirí óga na hÉireann. Léiríonn sé gur féidir aitheantas idirnáisiúnta a bhaint amach ar do cheird má tá tallann, díocas agus díograis agat.
CRÍOCH
