Deontas €110,330 ceadaithe do Chomhairle Chonnacht CLG chun scéim oiliúna peile, iománaíochta agus liathróid láimhe a sheachadadh ar son na Roinne don scoilbhliain 2017/2018
D’fhógair Joe McHugh T.D., Príomh-Aoire an Rialtais agus Aire Stáit don Ghaeilge, don Ghaeltacht agus do na hOileáin inniu go bhfuil deontas suas le €110,330 ceadaithe aige do Chumann Lúthchleas Gael - Comhairle Chonnacht chun cur ar a gcumas an Scéim Oiliúna Peile, Iománaíochta agus Liathróid Láimhe a reáchtáil don scoilbhliain 2017/2018 i scoileanna faoi leith i nGaeltacht Chonamara agus i dTuar Mhic Éadaigh.
Dúirt an tAire Stáit gur cúis sásaimh dó é go bhfuil a Roinn ábalta an cúnamh seo a chur ar fáil do Chomhairle Chonnacht chun deiseanna sealbhaithe agus saibhrithe teanga a chur ar fáil trí chlár spóirt i mbunscoileanna agus iar-bhunscoileanna faoi leith i nGaeltacht Chúige Chonnacht. “Mar gheall ar an obair iontach atá ar bun ag Comhairle Chonnacht faoin scéim seo le blianta anuas, tá an deis tugtha d’aos óg na Gaeltachta an Ghaeilge atá acu a úsáid agus a shaibhriú i dtimpeallacht shiamsaíochta an spóirt,” a dúirt an tAire Stáit.
Is faoin Straitéis 20 Bliain don Ghaeilge 2010-2030 atá an t-allúntas seo á cheadú.
Nóta don eagarthóir
Téann teagascóirí thart chuig scoileanna i nGaeltacht Chonamara, Árainn agus Tuar Mhic Éadaigh ag múineadh scileanna peile, iománaíochta agus liathróide láimhe do na daltaí trí mheán na Gaeilge. Tá an scéim ag feidhmiú i 36 bunscoil agus 10 iar-bhunscoil.
CRÍOCH
Scoileanna faoi riaradh Chomhairle Chonnacht CLG - 2017/2018
| Ainm na Scoile | Uimhir thagartha an Limistéir Pleanála Teanga lena mbaineann |
| Bunscoileanna | |
| S.N. Thuar Mhic Éadaigh | 09 |
| S.N. Mhuire, An Tuairín, An Cheathrú Rua | 13 |
| S.N. Mhic Dara, An Cheathrú Rua | 13 |
| S.N. Seamus Naofa, Bearna | 18 |
| Gaelscoil Mhic Amhlaigh | 18 |
| S.N. Bhríde, Leitir Caladh | 12 |
| S.N. Cholm Cille, Leitir Móir | 12 |
| S.N. Rónáin, An Trá Bán | 12 |
| S.N. Tír an Fhia, Leitir Móir | 12 |
| S.N. Leitir Mealláin | 12 |
| S.N. Sailearna, Indreabhán | 16 |
| S.N. Cholm Cille, Ros an Mhíl | 13 |
| S.N. na bhForbacha | 16 |
| S.N. Cholm Chille, An Tulach | 16 |
| S.N. Éinne, An Spidéal | 16 |
| S.N. an Aird Mhóir, Carna | 14 |
| S.N. Muire Gan Smál, Camus | 14 |
| S.N. Mhuire, Turloch Beag | 14 |
| S.N. na hAirde Thiar, Carna | 14 |
| S.N. Bhriocáin, Rosmuc | 14 |
| S.N. Naomh Ciarán, Cill Chiaráin | 14 |
| S.N. Cholmáin, Muigh Inis | 14 |
| S.N. Mhuire, Carna | 14 |
| S.N. Naomh Pádraig, An Chloch Bhreac | 15 |
| S.N. an Fhairche | 15 |
| S.N. Mhuire, Cor na Mona | 15 |
| S.N. Tír na Cille, An Mám | 15 |
| S.N. Bhaile Nua, Maigh Cuilinn | 17 |
| S.N. Inis Meáin, Árainn | 11 |
| S.N. Chaomháin, Inis Oírr | 11 |
| S.N. Rónáin, Inis Mór | 11 |
| S.N. Eoin Pól II, Inis Mór | 11 |
| S.N. Iosef, Rathún | 18 |
| S.N. Tuairíní, Maigh Cuilinn | 17 |
| Scoil Mhuire, Maigh Cuilinn | 17 |
| S.N. Thulach Uí Chadhain, Maigh Cuilinn | 17 |
| Iar-bhunscoil | |
| Coláiste Mhuire, Tuar Mhic Éadaigh | 09 |
| Scoil Chuimsitheach Chiaráin | 13 |
| Coláiste Chroí Mhuire, An Spidéal | 16 |
| Coláiste Cholmcille, Indreabhán | 16 |
| Coláiste Naomh Eoin, Inis Meáin | 11 |
| Gairmscoil na bPiarsach, Rosmuc | 14 |
| Scoil Phobail Mhic Dara, Carna | 14 |
| Coláiste Naomh Feichín, Corr na Móna | 15 |
| Coláiste Naomh Éinne, Árainn | 11 |
| Coláiste Ghobnait, Inis Oírr | 11 |
