€42,295 ceadaithe do Choláiste na Mumhan ag an Aire Stáit McHugh
Tá fógartha ag an Aire Stáit do Ghnóthaí Gaeltachta, Joe McHugh T.D., go bhfuil deontas de €42,295 ceadaithe aige do Choláiste na Mumhan, Béal Átha an Ghaorthaidh, Co. Chorcaí chun oibreacha breise a chur i gcrích ar Choláiste na Mumhan lena chur in oiriúint do chúrsaí an Choláiste Gaeilge. Tá an deontas seo sa bhreis ar €38,229 a ceadaíodh dóibh níos luaithe i mbliana chun oibreacha slándála a chur i gcrích.
Ag fógairt an deontais dó, dúirt an tAire Stáit: “Tá áthas orm a bheith in ann an cúnamh seo a chur ar fáil do Choláiste na Mumhan ionas go mbeidh áiseanna sábháilte den scoth ar fáil do na scoláirí a bhíonn ag freastal ar a gcuid cúrsaí. Cuireann na cúrsaí a eagraíonn siad go mór le heacnamaíocht an cheantair chomh maith le bheith ag cur na Gaeilge chun cinn.”
Críoch
