12/03/2015: Deontas reáchtála €60,000 don Ghaelacadamh sa Spidéal
Fógraíonn an tAire Stáit do Ghnóthaí Gaeltachta, Joe McHugh T.D., deontas reáchtála €60,000 don Ghaelacadamh sa Spidéal.
Déardaoin, 12 Márta 2015—D’fhógair an tAire Stáit do Ghnóthaí Gaeltachta, Joe McHugh T.D., go bhfuil deontas de €60,000 ceadaithe aige don Ghaelacadamh sa Spidéal don tréimhse Eanáir go Meitheamh 2015 i dtreo na gcostais reatha a bhaineann le raon bearta faoi leith atá faoi stiúir an eagrais agus a thacaíonn le chur chun cinn an cheoil, an rince agus na hamhránaíochta sa Ghaeltacht.
Ag fógairt an deontais, dúirt an tAire Stáit go raibh sé an-sásta a bheith in ann an t-airgead seo a chur ar fáil don Ghaelacadamh as ucht an obair atá ar siúl acu i dtaca le daoine óga a spreagadh chun fanacht dílis dá n-oidhreacht. “Tá ról lárnach agus leanúnach ag an Ghaelacadamh i gcur chun cinn ceol dúchasach na Gaeltachta.”
CRÍOCH
