10/01/20

Cuimhneacháin

Is í an Roinn Cultúir, Oidhreachta agus Gaeltachta atá freagrach as cláir a dhéanann comóradh ar roinnt de na príomhimeachtaí a tharla i stair na hÉireann.

Tionscnamh náisiúnta Stáit a bhí in Éire 2016 a rinne comóradh céad bliain ar Éirí Amach 1916.

Déanann Clár Deich mBliana an Chuimhneacháin  imeachtaí móra staire a tharla idir na blianta 1912-1923 a thabhairt chun cuimhne agus iad a chomóradh céad bliain níos deireanaí le linn na tréimhse 2012-2023.

Déantar iad sin a d'fhulaing le linn an Ghorta Mhóir, 1845-1850, a thabhairt chun cuimhne le Cuimhneachán Náisiúnta an Ghorta Mhóir.

Tá tuilleadh eolais ar fáil ar gach aon cheann díobh seo thuasluaite ach dul chuig na naisc atá ar thaobh na láimhe clé den leathanach seo.