20/09/17

Deontas €1,466 ceadaithe ag an Aire Stáit McHugh do Lámha Beaga Montessori, Co. Dhún na nGall chun ábhar oideachais a cheannach

D’fhógair Joe McHugh T.D.,  Príomh-Aoire an Rialtais agus Aire Stáit don Ghaeilge, don  Ghaeltacht agus do na hOileáin, inniu  go  bhfuil deontas €1,466 ceadaithe aige do Lámha Beaga Montessori, atá lonnaithe i Machaire Rabhartaigh chun cuidiú leo ábhar oideachais a cheannach.

Ag fógairt an deontais seo, dúirt an tAire Stáit go raibh an-áthas air an deontas a chur ar fáil. “Is cuidiú praiticiúil atá á chur ar fáil sa chás seo a rachaidh chun leasa dóibh siúd atá ag freastal ar an réamhscoil. Beidh deiseanna breise sealbhaithe teanga á gcur ar fáil dá bharr.”

Is faoin réimse gnímh: an Ghaeltacht de chuid na Straitéise20 Bliain don Ghaeilge 2010-2030 atá an deontas á cheadú.

CRÍOCH